منتدى الفرح المسيحى - حوار_خيالى بين الاب وابنه

حوار_خيالى بين الاب وابنه😍😍

https://upload.chjoy.com/uploads/1481647081051.jpg

البابا:ااااااااه يارب ع الوجع اااااه
هو:حاسس بيك يا حبيبى وبوجعك

البابا:طيب ليه توجع القلب ف عز الفرحه
هو:انت بتقول كده يابنى ده انت شغال معايا وفاهم اللى فيها

البابا:فاهم انه لازم هيكون ضيق بس ولادك يارب بيزيدوا وجعى
هو:استحملهم مهما ولادك بردوا واعذرهم ميعرفوش اللى فيها

البابا:يارب دول بيلومونى انى مردتش ع الرئيس بخصوص الامن
هو:عارف وشايف...
انت عارف انا صعبانين عليا ولادى دول عشان هما متخيلين ان اللى حصل كان ممكن ميحصلش لو فيه امن وحمايه ونسيوا وجودى وانى انا ضابط الكل وانه حتى لو فيه حمايه ع كل فرد وانا عايز يحصل كده هيحصل

البابا:معاك حق يارب انت ضابط الكل...طيب هما عايزين حقهم وده عندك انت اعمل ايه
هو:سيبهم يدوروا ع ارضيات وحقوق وكرامات ملهاش قيمه هيجى عليهم اليوم اللى يعرفوا فيه انى انا الحق والحياه وان الارض دى ملهاش قيمه بكل كراماتها وحقوقها

البابا:طيب يارب ووجع الاهالى اللى حاسين بالظلم والقهر ع عيالهم وامهاتهم
هو:دى سيبهالى انا الاهالى دى هما اكتر ناس هيعشوا السماء ع الارض هيستقوا بولادهم اللى سبقوهم وهيتمنوا اللحظه دى عشان المجد اللى فيه عيالهم وهيشكروا الجانى ع عملته ويقولوا متنازلين ع حقنا لاننا خدنا بعيالهم اللى سبقوهم ع السماء وهناخده لما نسافرلهم احنا كمان

البابا:اعمل ايه للى شايفين مصر دمار وكارهينها وشايفين انى مش جايبلهم حقهم
هو:دول محتاجين صلاه منك زى عادتك يابنى....
وقولهم مصر اللى انتوا كارهينها وشايفين الظلم فيها وحاسين بانكم ملكومش قيمه فيها ان قيمه مصر هو ان انتوا فيها وان لولا وجودكم مكانتش بقيت مكمله رغم تدهورها ده وقولهم انى قولت مبارك شعبى مصر وانهم هما شعبى وببارككم باللى بيحصل باكاليل نورانيه لحياه ابديه

البابا:طيب انا اعمل ايه تعبان والوجع بيقتلنى
هو:متبطلش صلاه يابنى وانا معاك وف ضهرك ووجعك هيخف لما تشوف كنيستك بتزف ولادها للسماء....
صلى لولادى اللى مركزين ف الدنيا وعايزين يحوشوا كرامات ملهاش لازمه وعايزن حق هيسبوه ويمشوا صلى وقولهم انهم مش من هنا مش من اهل العالم عشان يطلبوا طلبات العالم خليهم يعيدوا ترتيب اهدافهم ويركزوا ع الابديه لانى دى مش الاولى ولا هتكون الاخيره ودى حاجه تفرحكم انكم يتزفوا ولادكم للسماء

البابا:طيب خليك معايا ومتسبنيش محتاجالك
هو:من غير متقول يا حبيبى انا معاك ولا يوم سبتك
بس حول عنى عيناك لانهم قد غلبتنانى..
خلى بالك من شعبى يا حبيبى