منتدى الفرح المسيحى - كلنا مشوفناش حاجه ومع ذلك ..

https://lh4.googleusercontent.com/-x...71094115_n.jpg

كلنا مشوفناش حاجه ومع ذلك ..
============
مقدر جدا حالة الحزن والغضب اللي عند الجميع ..
ولكن لي تعليق :

كلنا بننقل اخبار مش متأكدين من مصدرها ودي أمثلة :

شيرنا كمية صور لأطفال مقتولة .. ومفيش ولا أسم طفل في الشهداء

شيرنا صورة لسيدة وقلنا هي دي السبب .. وطلعت ملهاش ذنب

وبعد شوية قلنا عربية طفل هي السبب .. وفي الاخر طلع السبب انتحاري

وكلنا بقينا شغاليين في المخابرات وأمن الدولة وكأن كلنا ( عمر سليمان )

وبنحلل وبنفتي
( ازاي ولد ودخل وسط الستات وكأنها من المستحيلات ..
وازاي جابوه في 24 ساعه .. وده بيكدب .. ودي مسرحية ..
وازاي .. وازاي .. )

الكل بيفتي .. الكل بيهري .. مع أن الكل شاهد مشافش حاجه

ومنتظرين أنتقام ربنا بعد 40 يوم ؟؟ أشمعني 40 يوم ؟

وكأن ربنا حساباته أرضية ..

" مَا أَبْعَدَ أَحْكَامَهُ عَنِ الْفَحْصِ وَطُرُقَهُ عَنِ الاسْتِقْصَاءِ " (رو 11: 33)

انا مش مع حد ولا ضد حد ..
انا بس مصدوم من كمية الجهل اللي احنا فيه !!

ببساطه الحادث أليم .. وأدمي قلوبنا جميعا

ولكن...
قبل ما تشير حاجه اتأكد منها ..
قبل ما تفتي في حاجه خليك علي علم بيها
قبل ما تقول كلمة شوف تأثيرها علي غيرك ..
ايجايبة ولا هدامة

ومتقلقش ربنا موجود وكاشف خبايا الظلام ..
وهو عادل سيجازي كل واحد حسب اعماله

" إِنْ رَأَيْتَ ظُلْمَ الْفَقِيرِ وَنَزْعَ الْحَقِّ وَالْعَدْلِ فِي الْبِلاَدِ، فَلاَ تَرْتَعْ مِنَ الأَمْرِ
لأَنَّ فَوْقَ الْعَالِي عَالِيًا يُلاَحِظُ، وَالأَعْلَى فَوْقَهُمَا." (جا 5: 8 )

"مَن يمسّكم، يمس حدقة عينه" (زكريا 2: 8 )

" كَإِنْسَانٍ تُعَزِّيهِ أُمُّهُ هكَذَا أُعَزِّيكُمْ أَنَا " ( أش 66: 13)

كنيستنا .. كنيسة شهداء من القرون الاولي وهتفضل كده كنيسة ولاده

الشهداء دول وصلوا بالسلامه وسافرو وهم في افضل حاله اثناء القداس

الدور والباقي علينا هنتأثر شوية .. ونرجع عادي جدا ولا كأنه في حاجه

خليك ايجابي .. عزي الناس .. شيل الخوف من قلوبهم صلي من اجلهم

"شَدِّدُوا الأَيَادِيَ الْمُسْتَرْخِيَةَ، وَالرُّكَبَ الْمُرْتَعِشَةَ ثَبِّتُوهَا. "(إش 35: 3)

و أهم شيء " كن مستعد للقاء إلهك "

يا ملك السلام اعطينا سلامك قرر لنا سلامك واغفر لنا خطايانا.

منقول