منتدى الفرح المسيحى - الله موجود ولسه بيعمل معجزات

https://upload.chjoy.com/uploads/1481053395691.jpg

كل مرة كانوا التلاميذ فيها بيقولوا ماينفعش ومعندناش .. معندناش أكل يكفي، معناش فلوس كفاية، هنجيب منين!! ماينفعش الميت يقوم، طب والراجل اللي أنتن، والست اللي رايحين يدفنوا ابنها!! أوقات كانوا بيقولوا الكلام ده صراحة في العلن وأوقات تانية كانت مجرد تساؤلات جواهم مش بيطلعوها لبره!!

وعلشان هو يسوع.. الرب، السيد، الإله.. عارف القلوب .. كان بيرد على كل تساؤل وحيرة من دول بمعجزة أكبر من خيالهم .. وكانوا كل مرة بيبقوا واقفين مزهولين من اللي حصل واللي بيحصل ..

أنا معرفش انت بتقول ماينفعش ومعنديش يكفي، هعمل ايه وهجيب منين !! ايه الحاجة اللي شاغله تفكيرك بالظبط !! .. لكن اللي متأكده منه أن الله هيدبر وهيرد على كل تساؤل جواك، زي التلاميذ كده .. يسوع .. الله موجود ولسه بيعمل معجزات وكلامه بيشهد عنه .. ثق فيه واللي وعد بيه هو أمين انه ينفذه .. :