منتدى الفرح المسيحى - الدير السعيد :)

دير مليان برهبان وشهم بشوش ودايماً بيضحكو وكل مايشوفو حد أو أي شخص يزورهم يشوف وش مبتسم وبيضحك ومليان سلام..

وفي يوم راح القديس ايرونيموس الدير دا و بيقول انه اول ما خبط على الباب وفتح الراهب ابتسم وقعد يرحب بيه رغم انه مش عارفه، خده وراح مبنى الضيوف وكل مايقابل راهب يبتسم ويرحب بيه، استغرب جداً القديس ايرونيموس وقال للراهب المسئول ممكن اسألك سؤال؟
هو انهاردة في عيد او احتفال معين؟ الراهب قاله لأ ليه؟، قاله من اول ما دخلت كل ما اشوف راهب الاقيه فرحان ومبتسم، والدير كله مليان فرح وسلام مش عادي ازاي كل الفرح دا؟
الراهب قاله دا قانون الدير هنا الفرح والسلام ولو رئيس الدير شاف واحد حزين بيسأله انت مسيحي؟ طب ازاي؟

المسيحي بيحمل ملكوت الهه داخله وملكوت الله بيفرح مش بيحزن!!
ايه رأيك ملكوت الله فرح ولا حزن؟
الراهب قاله فرح.

رئيس الدير قاله يبقى نفرح بإلهنا ونسيب الحزن والمرارة للخطاة اللي لسه محتاجين للتوبة
الفرح والسعادة مش قانون الدير بس لكن قانون للمسيحية عامةً، الفرح والسلام دايماً بيملو قلب المؤمن الحقيقي، حتى فى وقت الألم والحزن برضو مش بيفارقه سلام المسيح.
فرح الرب هو قوتكم ..

هل فعلا بنقدر نعيش الفرح ده ولا لأ؟