منتدى الفرح المسيحى - يارب بفتحلك جروحى

"بابا" ."الله" .بفتحلك جروحى اللى يمكن اكون مستمتعه وانا مخبياها واللى يمكن احتفظت بيها عشان حبه شفقه او كلمتين يجبرو خاطرى .. بفتحلك جروحى عشا مليت وتعبت من الايدى اللى بتعدى ف حياتى وهى فاكره نفسها بطبطب وهى بتزود صرخات وجعى جوايا ..بفتحلك جروحى اللى كتمت انة وجعها بمنطق "انا متكسرش " بابا انا اتكسرت واتفتت ومبقيش فاضل فيا غير شويه "صوت" بقاوح بيهم ووجعى وكسرتى مش عايزة اعيش كاسرة روحى بايدى مش هقبل منطق نوايا تسند الزير .. مش هقبل الف نفسى بتوب "الضحيه " واشحت بيه حب وقبول ..بابا قدامك بس يمكن عرفت ولاول مرة اتكشف وابان وعرفت اتصالح مع دموعى اللى نسيت ملامحى بيها .. قدامك انت بس عرفت اقول "بنتك" اللى قدامك بيبان جروحها كتير يمكن تاخد وقت ويمكن تتطول السكه بس الاكيد انك مش هتمل من سماع جروح استنيت زمان اجى واصرخ منها قدامك .. بيك وليك بفتحلك كل الكيان ..عشان انت الوحيد اللى قادر تسنج فيا روح جديدة ..انت الوحيد اللى جروحى قدامك عمرها ماكانت عار ...بابا بفتحلك وانا عارفه قدام مين سلمت قلبى