منتدى الفرح المسيحى - قبل ما تظن السوء ظن حسن النية

https://upload.chjoy.com/uploads/1480755124811.jpg

مشكلتنا اننا لو شوفنا نهاية موقف بنتخيل بدايته من دماغنا ونصدقها حتي ان كانت الصورة اللي رسمناها غلط
يوم النتيجة لو شوفنا حد بيعيط ممكن نقول ده سقط مع انها ممكن تكون دموع الفرحه
لو شوفنا واحد وخطيبته في مكان عام وكانت بتعيط نقول ده مزعلها مع انها ممكن تكون بتشكيله من اسرتها
لو شوفنا نفس الخطيبين في العربية والبنت بتعيط نقول ده عمل معاها الفحشاء ودي دموع تانيب الضمير مع انه ممكن يكون شاخط فيها مش اكتر
لو شوفنا ست عجوزة واقعه في الشارع وعربية واقفه قدامها نقول دي خبطيتها مع انها ممكن يكون جالها غيبوبة سكر وهي ماشية ووقعت وصاحب العربية بيحاول يفوقها
لو حد دخل علينا الاوضة ولقانا مشغلين فيلم فيه لقطه ساخنة يقول علينا مش محترمين مع انه ممكن يكون الفيلم كله تمام وعلي دخلته جت اللقطة دي علي سبيل الصدفة
لو ركبنا مني باص ولقينا واحد زميلنا قاعد جنب واحده زميلتنا نقول ده فيه بينهم علاقة مع انه ممكن يكون ركب بعدها ولقاها قاعده فقعد جنبيها علشان محدش غريب يقعد جنبيها ويضايقها
وغيرها كتير من المواقف اللي بتحصل وبيتظن فيها السوء من الطرف الأخر
قبل ماتظن السوء ظن حسن النية .. طالما لا تملك سوى انصاف الحقائق