منتدى الفرح المسيحى - الرفاع مش بس نرفع الأكل

الرفاع .. هو أكتر يوم الناس بتاكل فيه :) بس المقصود غير كدة .. المقصود إن دة اليوم إللى نرفع فيه الأكل الحيوانى عن موائدنا إستعدادا للصوم المقدس .. ونرفع فيه كميات الأكل الكتير حنى لو نباتى إستعدادا للنسك ..
كلمة ارفعوا جاءت فى العهد الجديد فى 4 مواضع ..

1) إنجيل لوقا 21: 28
ومتى ابتدأت هذه تكون، فانتصبوا وارفعوا رؤوسكم لأن نجاتكم تقترب».

2) إنجيل يوحنا 2: 16
وقال لباعة الحمام: «ارفعوا هذه من ههنا! لا تجعلوا بيت أبي بيت تجارة!».

3) إنجيل يوحنا 4: 35
أما تقولون: إنه يكون أربعة أشهر ثم يأتي الحصاد؟ ها أنا أقول لكم: ارفعوا أعينكم وانظروا الحقول إنها قد ابيضت للحصاد.

4) إنجيل يوحنا 11: 39
قال يسوع: «ارفعوا الحجر!». قالت له مرثا، أخت الميت: «يا سيد، قد أنتن لأن له أربعة أيام».

ولا ننسى فى بداية الانافورا فى القداس .. حينما يقول الكاهن ارفعوا قلوبكم .. فيرد الشعب هى عند الرب ..

الرفاع مش بس ترفع الاكل .. ارفع راسك وفكرك ناحية السماء .. ارفع الأمور المادية من حياتك وبلاش تخلى علاقتك بربنا علاقة تجارة ومصلحة .. ارفع عينيك والحق إعمل ثمر لأن الحصاد لابد وهييجى .. ارفع الحجر اللى فاصل بين الحياة والموت قدم توبة عشان تقوم من موتك الحقيقى حتى لو كنت أنتنت .. ارفع قلبك لأنه حيثما يكون كنزك هناك يكون قلبك أيضا ما تنساش إن كنزك الحقيقى هو المسيح ..