منتدى الفرح المسيحى - ملاك من السما ( مريم كمال ) Mariam Kamal

https://files.arabchurch.com/upload/i...4717525066.jpg

https://files.arabchurch.com/upload/i...9093504566.jpg

مرة مرمر سمعت من حد من أصحابها أن في واحد اسمه محمد جاله كانسر في العضم هو كان في طب اسنان و جاله المرض و هو بيدرس و قرر يعزل نفسه خالص عن الناس حتي أهله و نفسيته كانت وحشة جدا .. اتضايقت جدا عليه و كان شاغل بالها مدة طويلة و كانت ديما قلقانة عليه و ديما تسأل صاحبه اللي حاكلها عنه هو عامل ايه و ايه أخباره و كده و طلبت رقمه و كلمته بس هو مكانش بيرد و ديما قافل الموبيل فا عرفت الفيس بوك بتاعه و ابتديت تبعتله رسايل كتير لحد ما رد عليها و الحاجه اللي كانت عايزة تقولهاله وعي تيأس ابدا و انا عندي كانسر زيك و حالتي أصعب عشان حالة نادرة و أنه مش بيظهر غير للأطفال و استحالة أنه يجي لحد عنده 20 سنه و حكت له حكايتها كلها و طلبت مننا نعملها صور قبل و أثناء العلاج و بعد .. في كل مراحلها يعني و ازاي غير ملامحها و تعبها و أثر جدا علي جسمها عشان تشجعه و كانت ديما تطمن عليه و مكانش حد يعرف عن الموضوع ده خالص غير كام شخصية قليلين اوي .. علي فكرة الشات من موبيل مرمر و مش موضح صورة محمد عشان مش عارف اخد إذن من أهله ..
نتعلم مرمر المعني الحقيقي للخدمة ..
أخدم ... مهما كانت ظروفك اخدم .... مفيش حد تعبان اد مرمر و مع ذلك كانت بتخدم بكل الطرق ...
أخدم و ماتفرقش بين حد و التاني سواء جنس أو لون أو دين .... مرمر مافرقتش ابدا في أي حد من اللي كانت بتخدمهم لأنها كانت ديما حاطة السما و الملكوت قدام عينها و أنها عايز تبني بيت كبير في السما ... ابني بيتك انت كمان أرجوك فرح قلب ربنا و قلب مرمر أن سيرتها أثرت في حياتك