منتدى الفرح المسيحى - اوعي تستهين بدماغ و قوة مراتك

واحدة ست راحت تعمل شوبينج..
و عند الكاشير و هي بتفتح الشنطة تطلع كارت الكريدت بتاعها علشان تحاسب..
الراجل اللي علي الكاشير لاحظ ان ريموت التلفزيون في شنطتها...
مقدرش يمنع نفسه من انها يسالها و هو بيضحك...

_ هو حضرتك متعودة تاخدي الريموت معاكي و انتي خارجة؟
...فالست ردت ...
_ لا ابدا مش دايما ...بس جوزي رفض ينزل معايا نشتري طلباتنا و طلبات البيت النهاردة..

الدرس المستفاد: انزل مع مراتك و هي بتشتري طلبات البيت و طلباتك و طلبات عيالك

بس استنوا...القصة ما خلصتش

الراجل بتاع الكاشير بعد شوية ضحك و بدأ يطلع الطلبات من الشنط...
و الست استغربت من تصرفه و سالته: انت بتعمل ايه؟ ..
فرد عليها و قال : يظهر ان جوز حضرتك قفل كارت الفيزا بتاعك.

الدرس المستفاد: احترمي هواية جوزك

برضه القصة ما خلصتش..مستعجلين ليه؟

الست قامت فتحت شنطتها تاني و طلعت كارت الفيزا بتاع جوزها اللي سحبته من محفظته قبل ما تنزل...
الراجل طبعا ما قفلش الكارت بتاعه و الست دفعت كل مشترياتها بالكامل

الدرس المستفاد: اوعي ثم اوعي تستهين بدماغ و قوة مراتك

بالمناسبه ...
الموبايل ممكن يتاخد بدل الريموت احيانا او معاه بردو مايضرش
والمحفظه ممكن تتاخد بدل الكريدت بردو ...
امشي أنا بقى