منتدى الفرح المسيحى - طبعا في فرق بين (فهم المرأه) و (فهم الحب)

( .. إن المرأة تحب الرجل الذي يفهم الحب أكثر من حبها للرجل الذي يفهم النساء ،
فأكثر هؤلاء منافقون .. إن حب المرأة هو الخطوة الأولى نحو حب الله ... ) ..
محمد كامل حسين ( قرية ظالمة )

طبعا في فرق بين (فهم المرأه) و (فهم الحب) ,
و الفرق بيبان اوي لما الواحدة تركز مع الشخص اللي بيحاول يظهر لها مشاعر حبه ..
فهو هدفه يوصلها و خلاص و لا هدفه يعيش معاها مشاعر الحب اللي بيتكلم بيها ,
و زي ما قال عمنا الكبير " محمد كامل حسين " إن الستات بتحب الراجل اللي فاهم حب و قادر يعيش بيه أكتر كمان من الواعي الصايع اللي فاهم المرأه و أبعاد سلوكها و تصرفتها ,
بس ليه ؟؟؟

في مقالتها ? Who's Really More Romantic, Men or Women
بتقول Gwendolyn Seidman
إن غصب عن الست لازم قلبها يميل للراجل الرومانسي اللي فاهم يعني ايه حب و إحتواء بجد أكتر من اي حاجة
و السبب قايم علي الـ evolutionary psychology ( علم النفس التطوري ) ,

فالموضوع بالنسبة لها داخل فيه تفكيرها في مستقبلها و مستقبل اولادها مع الشخص ده ,
بمعني : الست مش بتكون عاوزة الرومانسي عشان يحبها و يطبطب عليها بس ,
لا ده كمان عشان يعرف يحتوي اولادها و يخلي باله منها وقت تعبها اثناء الحمل و الولادة
.. ففكرة الراجل اللي فاهم حب فكرة جذابة لاي ست ..

في النهاية مفيش اي حاجة تعيق وجود راجل فاهم الست و فاهم الحب في نفس الوقت ,
ده بالعكس اللي ضليع في فهم نفسية المرأه بيكون حريص انه يفهم الحب بأدق تفاصيله ,
و عميلة الفهم عنده مش بتوقف عن الفهم النظري او السطحي لكن بيكون كائن محب لكل حاجة حواليه ,
مشاعره الإنسانية بتكون ظاهره في كل سلوكياته و قرارته و اي واحدة شاطرة بتقدر تستشف ده و تقدره ..

فببساطة زي ما لخصها عمنا " محمد كامل حسين "
و قال : حب المرأه هو أول خطوة لحب الله ..فاللي بيجد صعوبة في حب المرأه بيكون بيعاني في كل اشكال الحب في حياته ..

cpd