منتدى الفرح المسيحى - اترمى فى حضنه هترتاح

قلتله : يارب ......هاصلي لكل اللي ظروفهم صعبه
قاللي : طب استني..... خد حاجه مني.......
قلتله : يارب عادي.... مش دلوقتي.....
فيه ناس نفسيتهم تعبانه اكتر مني انا باصلي من اجلهم .....
قاللي :طب احكيلي الاول ...مالك...؟؟
قلتله : انا كويس يا ابويا💪🏻💪🏻 متخافش عليّ ...
قاللي : لو ماخفتش عليك ....هاخاف علي مين ...؟؟
قلتله :عادي.... يعني شويه افكار كده بتهدمني.... و ذكريات بتوجعني كده علي الماشي.... و شوية حاجات بتخوفني....
بس عادي.... ابنك راجل و بيعرف يعدي ....المهم بس الناس اللي تعبانه اكتر مني ..

راح بص لي و قاللي : طب عيني في عينك كده ...
دموعي نزلت ....فاخدني في حضنه ...وطبطب علي......
وقاللي : طيب بس.....كفايه....مش باستحمل دموعك
قلتله : يااااه....ده انا كنت محتاج حضنك اوي اوي.....
قاللي : و انا عمري ما هطلعك بره حضني.....
قلتله : وانا مش عايز حاجه غيره.... انت ابويا ....وحضنك ده هو راحتي .....
قاللي : طب هاتلي ناسك و اهلك و حبايبك و ارمي حمولهم علي .......و اسندهم طالما انت مسنود علي......

ابوك هو الوحيد اللي فاهمك....وعارف اعماقك....
حاسس بيك.....ومقدر مشاعرك
حتي لو كنت مجروح ....و عامل نفسك جامد و بتضحك و بتهزر........
عارف ليه ؟؟؟؟
علشان انت ابنه الغالي عليه اوي.....

اترمي في حضنه ....هاترتااااااح .....و هاتريح ناس كتييير