منتدى الفرح المسيحى - من أصعب حالات الحب

من أصعب حالات الحب انك تحب شخص معندوش إستقرار في نفسه...
متقلب المزاج والأفكار والمشاعر...
مفيش نضوج في القرارات...
يوم يطلعك سابع سما ويوم ينزلك سابع أرض..
حتى في أحلى لحظاتكم مع بعض مش بتبقى حاسس بالأمان لأنك مش عارف اللحظة اللي بعدها هيقرر ايه وهيقول ايه وهيعمل ايه...
بتبقى دايما شاكك فأي وعد وخايف تصدق أي كلمة...
كل ما تتخيل إنك قربت أوي وإنك عرفته أوي وقريت اللي في قلبه تلاقي نفسك بتخبط كف على كف وبتقول "يا ترى؟" "طب ليه؟" "هو في إيه؟!" ...
عمرك ما هتبقى فاهم هو فعلاااا حقيقي عايز ايه؟ بيحبك فعلا ولا لا...
عايزك تبعد ولا عايزك تقرب...
وأي إجابة على أي سؤال مش بتبقى إجابة ثابتة! وقت أما يحب يرجع فيها هيرجع فيها!

من الاخر كده.. بتبقى دايما مشغل ال chasing mode!
دايما بتفكر وتحلل وتنكش!
على طول حاسس معاه بعدم أمان والحب معاه بيبقى متعب ومرهق ومهدر للطاقة والتفكير
وبيوصلك لمرحلة إنك يبقى نفسك تدوس ديليت وخلاص حتى لو بتحبه عشان تهدى وترتاح!