منتدى الفرح المسيحى

ربنا حتي في عقوبته ، محب
+لما عاقب ابوينا الاولين ، مع العقوبة اعطاهم وعد بالخلاص ، و قال :"نسل المرأة يسحق راس الحية"

+لما عاقب قايين و قاله انت طرحتني من قدام وجهك و اكون تائهاً و هارباً في الارض و يكون كل من وجدني يقتلني
قال له الرب :"كل من قتل قايين ينتقم منه سبعة أضعاف "

+لما عاقب دَاوُدَ و أرسل ناثان النبي ، فضّلٓ انه يقع في يدي الله أفضل من ان يقع في يد إنسان
قال ناثان :"الرب نقل عنك خطيتك"

+لما قال لداوُد انه هيجيب ابن اسمه سليمان ، قاله : ان تعوج اؤدبه بضربات الناس ، و لكن لا ارفع رحمتي عنه 😪

++"لا ارفع رحمتي عنه"++
ايه الحب و الحنان اللي فيك ده يارب....

+لما عاقب سليمان علي خطيته ، قاله من اجل دَاوُدَ عبدي مش هقسم المملكة في ايامك....

++من أجل دَاوُدَ عبدي++
مش ده اللي غلط...!!!
اه ده اللي غلط...بس ده في عينك انت
إنما انا عيني بتستر ، و لا أشاء موت الخاطئ و عاوز الكل
و اللي يحب ،، ميعرفش يفتكر السيئ لأحد ... أنا سامحته..

+لما عاقب الشعب و سمح لهم بالسبي ، اعطاهم وعوداً انهم يرجعون من السبي ، فرجعوا بعد ٧٠ سنة

+ و يقول الكتاب :"انه لما رأي الجموع منطرحين كغنم لا راعٍ لها ، تحنن..."

انا في حياتي كلها مشفتش احن من ربنا

احكيلكم حكاية قالها قداسة البابا شنودة ايام انتخابات البطريرك

كان المتنيح انبا ثاؤفيلس اسقف دير السريان ، خايف ليجيله واحد معين يتعبه ، فكان دائماً يقف و يبص للسماء و يقوله :" يا حنين ، يا حنين "

+احسن نداء ينادي به الله ، هو كلمة يا حنين+ 😍😍