منتدى الفرح المسيحى - يسوع ما زال له السلطان على كل شئ

واضح انه مشلكة قلة الأكل وقلة الفلوس دي .. موجودة من زمان!!

https://upload.chjoy.com/uploads/1478959132311.jpg

في يوم من الأيام ويسوع موجود بيعلم الناس،
جه التلاميذ وقالوا له
" يا سيد خلى الناس دي تروَّح بيوتها معندناش أكل ليهم ولا حتى معانا فلوس نأكلهم "
التلاميذ ساعتها فعلاً كانوا بيقولوا الحقيقة مافيش أكل ولا ماية ولا فلوس..
كانوا في مكان بعيد أوي!
وسألهم الرب يسوع سؤال بسيط
" طيب انتوا معاكم ايه؟! "
وكان الرد الطبيعي بتاع التلاميذ
" احنا معندناش غير 5 ارغفة وسمكتين!"
دول كل اللي نملكهم وكمان دول مش بتوعنا، دول بتوع ولد صغير هنا!!

وكلنا عارفين القصة بعد كده.. الرب يسوع قالهم ابتدوا قسموا الناس في مجموعات وأخد الخمس أرغفة وسمكتين وصلى وشكر الله على الأكل ده وأول لما خلص صلاه ..
بصوا لاقوا الأكل بقى كتير أوي، وكل الناس أكلت وشبعت وزاد عنهم أكل كتير كمان ..

الحادثة دي ماتفرقش كتير عن الأيام اللي بنمر بيها دلوقتي،
في ناس فعلا معندهاش أكل وناس تانية معاها حبة أكل صغيرين، يادوب على القد ..
لكن القصة دي بتعلمنا زي ما يسوع عمّل ..
لازم نشكر على اللي عندنا حتى لو كان قليل،
ونيجي بيه لربنا ونصلي أن ربنا يبارك الأكل بتاعنا والفلوس اللي عندنا،
وهو فعلا بيبارك - أنا بقول الكلام ده عن تجربة - بدل ما نتذمر وفجأة هنلاقي حتى الحاجات الحلوة اللي عندنا ضاعت مننا ..

يسوع ما زال له السلطان على كل شئ