منتدى الفرح المسيحى - دوس عالكل و اجري ...

قبل ما ساعات عمرك تتسرب زي الرمل من بين اديك ...
و أنت واقف تتفرج عليها بخيابة مش قادر تتحرك خطوة لقدام ...
و عامل للكل خاطر إلا نفسك...

خايف من الناس .... خايف على منظرك ...
خايف من الفشل .... خايف من المعايرة ....
خايف من الشماتة .... خايف من كل حاجة أنت آخر همها ....
أيوة أنت آخر همهم ....

دوس عالكل و اجري ...
جرب كل جديد من غير ما عينك تبص عليهم ....
بطل تستنى ردود أفعالهم .....

بعد عشرين سنة أو ثلاثين أو أربعين سنة ....
كل اللي هيفضلك كام حبيب مجنون و حر زيك ....
و ميت ألف ذكرى و تجربة و ضحكة .....
أي حاجة هتسعدك اعملها ....
أي خطوة هتفرق في حياتك خدها .....

متفكرش كتير .... و متحسبهاش ...
في حاجات حلاوتها بتروح من كتر مبيتعملها ميت ألف حساب ....
طول ما في نفس طالع و خارج منك ....
يبقى أنت لسة عايش و ما متش .....

يبقى تجرب تاني و ثالث ....
و تحب رابع و خامس ....
و تفارق سادس و سابع ....

و تبكي كتير .... عشان تطهر روحك .....
و تزأر للكل لو في يوم اتكاتروا على أحلامك .....
انفضهم من حواليك .... عينك عالشمس .... و كمل ......

cpd