وانا ماشى على الطريق الزراعية .... وايدى في ايد فاديا
ماشي وبضحك معاه ...... وعن السماء كان حكاه
قالي انها حلوة قوي ..... وحياتي هتبقي ف الابدايه
اتكلمنا عن القديسين ... وازاي في الملكوت عايشين
قالي عن ستي العدراء ... وازاي ان شفاعتها قادرة
وقالي عن الملايكة الاطهار .... وانهم بيحمونا ليل نهار
وقالي عن مارجرجس وابو سيفين ... وازاي انهم اصحاب هما الاتنين
وقالي ان ليا هناك مكان ... هو جهزهولي من زمان
خدنا وادينا في الكلام .... والزرع على اليمين والشمال
جات عيني على شجرة .... لقيتها حلوة وخضرة
مشيت وعلى الشجرة بصيت ... قطفت واكلت واترويت
وانا باكل وفرحان .... جه راجل غضبان
وقالى انت يا انسان ... تاكل ليه من شجرة عمك شيطان
قولتله يا عمي انا غلطان .... سيبني امشي وانا ابوس الاقدام
قالي انت اللى اتعديت .... ومن املاكي اتغديت
ولازم اربط رجليك ... وتحت الشجرة هوريك
هوقفك عليها غفير .... ولغيطي هتبقي مدير
انا في هدومي اتبليت ... وقلت ياريتني ولا رحت ولا جيت
افتكرت يسوع معيني ... قولتله يا يسوع نجيني
يارب سبتني ليه .... والشيطان بقي في حياتي سعادة البيه
جالى بسرعة وقومني ... وفك قيودي وحملني
مشيينا سوا من تاني ... ومسح دموعي وعزاني
ومشينا ع الزراعية ... اللى هيه طريق الابدية