منتدى الفرح المسيحى

العمق ده ما بيجيش بكوباية قهوة و سيجارة و قعدة على القهوة
العمق ما بيجيش بصورتك وانت بتفكر و سرحان

العمق بيجي من ناس دبحتك و قمت تاني في الحياة
العمق بيجي من وجع وألم و بكاء في الليل
وقمت تاني تقول للناس يحبوا الحياة و زرعتلهم الأمل

العمق بيجي من أنك تقرأ و تسمع قصص الموجوعين
من غير ما تلاقي روحك مجروحة بالعكس بتكون فرصة أنك تقول للي حواليك هتقدروا تنجحوا

العمق بيجي لما تسمع كلام الناس الوحش عنك و يصعبوا عليك
العمق بيجي من أنك شايف اللي هيحصل و تقول للناس بلاش و لما يقعوا تجري تقف جنبهم

العمق يعني حكمة الكبار محفورة في قلب شاب صغير
قلبه شاب قبل ما يشيب وكلامه فيه أمل وعينيه فيها حزن

العمق بيجي لما بنعافر
إياك تستسلم
أنت غالي
أنت أقوى