منتدى الفرح المسيحى - دى اسمها علاقة حقيقية..

منتدى الفرح المسيحى (https://www.chjoy.com/vb/index.php)

- شبابيات الفرح المسيحى (https://www.chjoy.com/vb/forumdisplay.php?f=91)

- - دى اسمها علاقة حقيقية.. (https://www.chjoy.com/vb/showthread.php?t=459798)

دى اسمها علاقة حقيقية..

علاقة يوصلك فيها حب غير مشروط..
حب ثابت دائم عميق لا يتغير بتغير حالاتك أو أحوالك..
حب (موقف) مش حب (حالة)..
حب (مقام) مش حب (حال)..

علاقة يوصلك فيها إنك مقبول كلك على بعضك زي ما انت..
بضعفك أحيانًا وعجزك ساعات وفشلك بعض الوقت..
حتى مع عدم الموافقة على بعض أفعالك أو تصرفاتك..

علاقة يوصلك فيها إن اللي قدامك بيهتم بيك لحسابك إنت مش لحسابه هو..
علشانك مش علشانه هو..
وإنه شايفك إنت مش شايف نفسه أو شايف أي حد تاني فيك..

علاقة تحس فيها إنك موجود.. ومتقدر.. ووجودك فارق.. وإنك تستاهل..
علاقة ماتكونش مضطر فيها تدفع أي تمن.. علشان ترضي أي حد..
علاقة فيها مساحات للحرية والحركة.. مش للتضييق والاختناق والتشويه والاختزال..
علاقة تكون فيها نفسك.. نفسك وبس..

دى اسمها علاقة حقيقية..