منتدى الفرح المسيحى - عايزه تسترديه ؟؟؟

انفصلتوا..... انجرحتي........ عايزه تنتقمي....... عايزه تسترديه؟؟؟؟؟؟؟؟
عايزه توجعيه ......عايزه تنسيه..... محبطه....... مهدومه ......فقدتي الرغبه في الحياه وعايزه تنتحري ،
طب المفروض تعملي ايه ؟

لو صدقتي ان كل ده مالهوش علاقه بالشخص نفسه وان المشكله بقت في علاقتك بنفسك لأن كل اللي حصل ان فشل العلاقه عمل خناقه خفيه بينك وبين نفسك وخصوصا لو كان هو اللي انسحب ،

اللي حصل ان ثقتك ف نفسك انهارت وبقي رجوعه هوالامل الوحيد في استردادها ،
كلامه الحلوه ووجوده واهتمامه كان بيأكد وجودك وثقتك في انك مرغوبه ،

يبقي قدامك حلين :
اما انك تعيشي طول عمرك مسجونه جوا التجربه ومستنيه رجوعه او الانتقام منه او حتي نسيانه ،
او تحاولي تستردي نفسك وبالتباعيه تستردي كل حاجه وووارد يكون هو حاجه منهم

https://upload.chjoy.com/uploads/1478722217941.jpg

يلا مدي ايدك لنفسك وقومي ، ماحدش هايقومك ،
املي فراغ حياتك واصنعي هدف كبير واهداف صغيره ،
يللا ترونقي واهتمي بنفسك وحبيها واتصالحي معاها
قوليلها انتي كميله خالص واموره وجذابه ،
هاتيلها ايس كريم ( بلاش شوكلت علشان ماتتخانيش)
يلا افتحي مسام جسمك للحب والصداقات والعبادات وعمل الخير والجيم والنجاح .

شوفو برضو البت لسه قاعده !!يابت قومي فزي

cpd