منتدى الفرح المسيحى - المايه قاطعه

القصة باختصار إن الست طيبه اول ما سمعت ان الشارع اللي جنبهم المايه قطعت فيه..
جريت علي الحنفية في شقتها عشان تفتحها وأول ما الحنفية نزلت مايه..
فرحت واتصلت بجيرانها وحبايبها في الشارع اللي جنبها عشان يملو مايه من عندها..
الكل جه ومتعشم يمليء الچراكن والازايز..
وفي اللحظة الحاسمه الحنفية نزلت شوية مايه كمان وبعدين منزلتش تاني

الحقيقة ان الست طيبه باستعجال ظنت ان المايه مش قاطعه..
والحقيقة هي ان المواسير كان متحوش فيها شوية مايه وأول ما خلصوا بان للكل ان المايه قاطعة..
الست طيبه عشان طيبة استعجلت في الحكم علي الحنفية وأحرجت نفسها مع الجيران..

احنا كمان كتير في حياتنا بنصدق ناس لمجرد وشهم بشوش او كلمهم حلو او شاطرين في الاقناع...
لكن ممكن يكون مايه المشاعر والمصداقية والإنسانية قاطعه عندهم..
واللي باين مجرد خداع لا يروي ولا يشبع..
متستعجلش في الحكم علي الناس لا ده حلو ولا ده وحش او مينفعش..
أدي لنفسك فرصة كافيه تعرف فيها الناس وتجيب آخرهم..
قبل ما شكلك يبقي وحش قدام نفسك وقدام الناس..
وياما هتقابل حنفيات مجرد شكل وممكن تموت جنبها عطشان

cpd