منتدى الفرح المسيحى - من وقت للتاني .. اقعدوا مع بعض ..

من وقت للتاني .. اقعدوا مع بعض .. ( وليكن في عيد جوازكم مثلاً )،
وإعملوا تقييم للوقت اللي فات أو السنة اللي فاتت من جوازكم وراجعوا فيها :

https://upload.chjoy.com/uploads/1478458123041.jpg

(رؤيتكم)
لجوازكم وحياتكم وعهودكم اللي قطعتوها مع ربنا يوم الاكليل .. يا تري لسه عنينا ثابتة علي الملكوت .. والا الأرضيات والاهتمامات شغلتنا ؟؟!!

( إنجازاتكم )
علي مستوي العلاقة بينكم وتربية أولادكم .. وإكتبوها.. هاتشجعكم قوي.

( أهدافكم )
خلال السنة .. ايه اللي اتحقق منها ؟ وايه اللي أخفقتوا فيه ومحتاج تطوير؟

( أحلامك وامنياتكم )
ايه اللي اتحقق منها؟وقدموا عليه شكر لربنا..واكتبوا احلامكم للسنة الجديدة.

في جو من الرومانسية والحب .. عبروا عن امتنانكم وحبكم لبعض .. واصراركم علي انكم تكملوا بمعونة ونعمة ربنا بنفس الروح والمحبة والرومانسية اللي ابتديتم بيها جوازكم برغم كل الضغوط والمسئوليات اللي بتزيد يوم بعد يوم .. تحت قيادة ربنا وخضوعكم ليه وللحق.

واختموا قعدتكم .. بجلسة تسبيح وشكر لربنا علي الوقت اللي فات .. وطلب معونته للوقت الجاي !

صدقوني القعدة دي هاتفرق معاكم كتييييير قوي !

ربنا يبارككم يا أحلي أزواج.