منتدى الفرح المسيحى - كنت لي فرح وسعادة

تفتكروا لما هسرح هفكر فى اية

حالى ولا مالى ولا جمالى ولا بكره هاكل اية
لية دايما انت اخر حاجة بفكر فيها
لية عندى دايما اسباب ابعدك بيها
نفسى اديلك شوية من يومى
لية بس بفتكرك لما تزيد همومى
مع انك رافعنى وغافرلى وشايلى حتى ذنوبى
ورغم كل دة شاغلنى هلبس اية وازاى املى جيوبى
امتى بقة افوق واشوف كل عيوبى
سامحنى ياربى وردنى قبل ما اخسر حضنك واكسب بس قيودى

جيت اقعد لوحدى معاك عاوز اشكى لك
حسيت بألم وانا واقف بصليلك
خلانى اشرد من صلاتى ومعرفتش اناديلك

اتكسفت اوى انى راكع قدامك وشكلى بصلى
وانا واقف بفكر بس فى اللى حصلى
رحت قايم وقلت لك سايبة لية يظهرلى

وكأنك انت السبب وانا بأنبك
وانا الخاطى اللى بذنبه قدمك
بصيت لروحى وقلت هو انا يعنى مقدرش عليه
شيطان هزمنى وانا بعلق فشلى عليه
طيب ايمانى راح فين وسايبة ليه
رجعت تانى اركع وكلى ندم وابتديت
صليتلك وسمعتك بتقولى اخيراً جيت

قلتلك سامحنى الشيطان افتكر هيغلبنى
لكن غلبته وجريت اخدك فى حضنى
محتاجلك تضم ايدك على ضهرى وتسندنى
وفضلت اصلى واصلى واصلى
وقلت أجى دلوقتى أحكيلك اللى حصلى

كنت لى فرحه وسعاده

واصبح وجودك اجمل عاده