منتدى الفرح المسيحى

فضي دماغك !!

https://www.christian-dogma.com/im0ph...500&h=281&.jpg

( فضي دماغك !! ) فضي دماغك من كل الأخبار .. من الجدل .. والمناقشات .. فضي دماغك من كلام البشر .. أحقادهم .. شكواهم .. عدم رضاهم .. نقدهم لكل شئ .. ادانتهم لكل التصرفات .... فضي دماغك من الخلاط !! اللي شغال جواك .. بتحرق أعصابك باللي حصل من 20 سنه .. واللي عمله معاك المرحوم فلان !! .. فضي دماغك من نفسك !! ومن كل اللي يعرفوك !! خد رست !! وقوم افتح للي بيخبط عليك من زمان .. وانتا حضرتك بتقوله : أنا مش هنا يا اللي علي الباب !!؟ ... افتح له .. اترمي ف حضنه .. جروحه هتشفي حزنك .. ابتسامة محبته هتلمس ظروفك .. كلامه هيطمنك .. هيرجعلك سلامك .. هيبتدي معاك فرحك اللي ليك فتره كبيره مدقتهوش .. بس خد فرصتك معاه .. خد وقتك .. بلاش تستئذن منه .. أو تقوله : أنا مش فاضي .... خليك زي مريم اللي جلست عند رجليه . وكانت تسمع كلامه ... ومهمهاش كلام مرثا .. والثوره اللي عملتها ضدها .. وتركت حبيب عمرها يدافع عنها .. فاختارت النصيب الصالح الذي لن ينزع منها إلي الأبد ....... يارب ساعدني أفضي دماغي وقلبي .. وانت بحضورك الإلهي تملي كل تفاصيلي ( المجد لك يا محب البشر )
بنعمة المسيح
منقول