منتدى الفرح المسيحى - حدود العلاقة بين الجنسين في العمل

حدود العلاقة بين الجنسين في العمل

القواعد الستة:
1- أنت/أنتي نازل الشغل ليه فعلاً
نازل تشتغل و تنجح في شغلك و لا نازل تكون صداقات
(لا تعارض بين الزمالة و العمل بس متنساش الهدف الأساسي اللي نازل عشانه)

2- أنت رجل أنتي أمرأة
لو كل واحد مش فاهم الفرق بين نظرة التاني له و أتعامل على أن التاني بيبصله على أنه زيه
هتحصل مشاكل كتير

3- الرجل بيحب بعينه و المرأة بتحب بودنها
خلي بالك متقربش أوي و ترجع تندم لأنك مش عارف/عارفة ترجع

4-أول قاعدة بنتعلمها في السواقة
لو شايف نفسك فاهم سواقة متعتبرش اللي حواليك فاهمين عشان متلبسش في حادثة
المعنى لو شايف نفسك محترم/محترمة مش معناها أن اللي حواليك كلهم كده
خلي بالك عشان رجلك متغرزش

5- مش كل واحد/واحدة يقول صباح الخير و هو مبتسم معناها أنه بيحبك
(بلاش نظام عريس يا أماي)
في ناس بطبيعتها ذوق

6-الأنسان أسير الإحسان
اللي بيساعدك و يقف جنبك في الوقت اللي محتاجه أوي
بيحصلك إنجذاب عاطفي له غصباً عنك
(عشان كده بيحصل إنجذاب بين المريض و الطبيب النفسي
أو بين الشخص و الكوتش بتاعه)

فكر نفسك كل يوم أنت نازل الشغل ليه
عشان متلاقيش نفس في وسط الصحراء من غير مية و لا أكل
ومش عارف ترجع إزاي