منتدى الفرح المسيحى - سلاماً على القلوب.. كل القلوب.

منتدى الفرح المسيحى (https://www.chjoy.com/vb/index.php)

- شبابيات الفرح المسيحى (https://www.chjoy.com/vb/forumdisplay.php?f=91)

- - سلاماً على القلوب.. كل القلوب. (https://www.chjoy.com/vb/showthread.php?t=458381)

سلاماً على القلوب.. كل القلوب.

سلاماً.. على كل واحد قرر فى لحظة صعبة إنه يخالف الجموع..
ويمشى فى سكة غريبة عليه.. حتى ولو كان شوية لوحده.

سلاماً.. على كل واحدة قررت تكون نفسها الحقيقية فى مجتمع قاهر وظالم وقاسى وسلطوى،
ومنتهك لكل ما هو خاص، ومشوه لكل ما هو جميل.

سلاماً.. على كل اللى قبلوا ضعفهم وحولوه لقوة.. وقبلوا فشلهم ووصلوا بيه للنجاح..
وقبلوا خطأهم وجعلوا منه أكبر مصدر للسماح والعفو.

سلاماً.. على اللى انصهروا فى الألم.. لغاية ماتحولوا لسبائك قيّمة وغالية ومبهرة..

سلاماً على اللى خاطروا بالحب.. واللى جازفوا بالفقد..
واللى تاهوا شوية فى السكة اللى بينهم.

سلاماً..على العيون اللى دموعها قريبة.. ودافية.. وبتلمع بلون الحياة..
على الإيدين المتشبكة.. خجلاً أو خوفاً أو حياءً.. حباً أو أملاً أو دعاءً.

سلاماً على القلوب.. كل القلوب.