منتدى الفرح المسيحى

https://upload.chjoy.com/uploads/1477782603341.jpg

لما كُنا صغيرين كانت من أشهر الألعاب التي بنلعبها لعبة أسمها " التليفون الخربان " بيبدأ أول شخص اللعبة فيقول كلمة واحدة بس للي قاعد جمبه وبعد كده ينقلها الشخص ده لواحد تاني وهكذا لغاية ما الدايرة تخلص وفي الأخر خالص نسأل كل واحد ايه الكملة اللي سمعها، في الاخر بنكتشف أن كل واحد سمع كلة مختلفة عن التاني وفي الأخر مش هي دي الكلمة الصح !!

دي ممكن تكون مجرد لعبة واحنا كنا بنضحك وننبسط بيها زمان، لكن الحقيقة دي بتبين حاجة مهمة جدًا، اوقات كتير بننخدع وبنبني توقعات وحاجات وهمية في دماغنا وممكن نعمل مشاكل ونخسر ناس، بسبب بس كلمة سمعناها وممكن جدًا تكون غلط .. علشان كده لازم نركز كويس في اللي بيتقالنا ومش اي حاجة بنسمعها نصدقها ولو فعلا احنا عايزين نعرف الحقيقة لازم نروح نسأل، ماتسمحوش لإبليس انه يبوظ علاقاتكم بشوية كلام !!
ايه الكلمة اللي سمعتها واكتشفت في الاخر انها غلط؟