منتدى الفرح المسيحى - عايز تختبر حبك بجد ؟

عايز تختبر حبك لبنت بجد ؟
_ اتعامل معاها وهي منكوشه .. غضبانه .. عيانه
وهتحس هي بالنسبالك زي وهي علي سنجة عشرة
ولا مش طايق خلقة أمها من غير ميكب اب وفنكشة

_ اسمع مشاكلها التافهه ........
أن الجزمة الموف بخطين فوشيا اتطفي الفوشيا وبقي بينك عادي ..
أو انها هبلة بتدور علي صوص سيزر طول النهار ومش لاقياه

لو مستحمل شكلها العادي جدا وتفاهتها اليومية ولسه قادر تقولها " بحبك" ........ يبقي بت المحظوظة بيحبها راجل بجد

عايزة تعرفي حبك لراجل بجد ؟
_ اسمعي عن شغله ..
قرف شغله وتعبه والناس اللي نكدت عليه ويومه المطحون وحسي مليتي ولا ايه ! ..
ولا صعبان عليكي وقلبك مخلوع عليه

_ اتفرجي عليه قايم من النوم ببنطلون بيجامة .. او عنده دور برد .. او بيشخر .. ولسه قادرة تقوليله "بحبك "..... يبقي ده فعلا حب حقيقي مش مجرد اعجاب عابر !

الحب انصهار انساني في كيان اخر في كل الاوقات