منتدى الفرح المسيحى

منتدى الفرح المسيحى (https://www.chjoy.com/vb/index.php)
-   قسم المواضيع العامة المتنوعة (https://www.chjoy.com/vb/forumdisplay.php?f=155)
-   -   ارجوكي يابنتي بلاش تبكي (https://www.chjoy.com/vb/showthread.php?t=455366)

walaa farouk 13 - 10 - 2016 06:28 PM
ارجوكي يابنتي بلاش تبكي
 
https://upload.chjoy.com/uploads/1476383184831.jpg

ارجوكي يابنتي بلاش تبكي
ماما معاكي ومش سايباكي
وعنيها مابتفارقك لحظة
وإيديها الحلوة محوطاكي
بتبوسك قبل مابتنامي
وبتسأل عنك مِسَّاتِك
وتشوف ايه اللي ذاكرتيه
وتشوف كم درس خلاص فاتك
ماما معاكي كل الأوقات
وهتيجي تملى ف أحلامك
بتقولك ركزي ف دروسك
واياكي تعضعضي ف أقلامك
وبلاش تلعبي لعب شقاوة
علشان النونو ميصحاش
بشويش خالص جدا لحسن
إن عيط ، مبيتوصاش
بوسهولي دايما على خده
وطبطبي على كفه بحنيه
مانتي بقيتي اخته حبيبته
وبقيتي امه الأرضيه
اصغر ماما عرفها العالم
ف تاريخ الكُرة الأرضيه
واوعي تخافي من شئ ف الكون
انا شايفكي بعيني تملي
انا ف مكان كله ابيض ف ابيض
قاعد جنبي داود بيغني
وصيت ماما العدرا عليكي
مش راح تحتاجي ف يوم حاجه
هتجبلك شيكولاته كبيرة
وتحطها جوه التلاجه
بتحبيني ؟؟ يبقى متبكيش
وانا عارفه انك قلبك طيب
قولي لبابا اياك تقلق
انا حقي هيرجع وقريب ..

مايكل سامي

Mary Naeem 13 - 10 - 2016 06:29 PM
رد: ارجوكي يابنتي بلاش تبكي
 
مشاركة جميلة جدا
ربنا يبارك حياتك

Rena Jesus 13 - 10 - 2016 06:30 PM
رد: ارجوكي يابنتي بلاش تبكي
 
اكيد حقها هيرجع
ميرسى ربنا يفرح قلبك

روشا الفرفوشه 13 - 10 - 2016 07:04 PM
رد: ارجوكي يابنتي بلاش تبكي
 
اكيد حقها هيرجع ربنا معاهم

walaa farouk 13 - 10 - 2016 07:52 PM
رد: ارجوكي يابنتي بلاش تبكي
 
مارى
رينا
روشا
ميرسي كتير على مروركم الغالى

MenA M.G 15 - 10 - 2016 02:15 PM
رد: ارجوكي يابنتي بلاش تبكي
 
دائماً مُشاركاتَكْ رائْعة
موضوعك مُمَيز
ربنا يبارك خدمتك

walaa farouk 15 - 10 - 2016 05:32 PM
رد: ارجوكي يابنتي بلاش تبكي
 
ميرسي على مرورك الغالى مينا


الساعة الآن 03:50 PM

Powered by vBulletin® Copyright ©2000 - 2025