منتدى الفرح المسيحى

https://upload.chjoy.com/uploads/1476310834431.jpg

عارف انا عشان اوصف حبى ليك وتفهمه ..
خليت صور الحب والحنية قدامك فى كل حتة
وبقيت اقولك .. اهو انا بحبك زى ده .. وزى دى
تحب افكرك .. فاكر لما قلت لك ..
كم مرة اردت انى اخدك فى حضنى زى الدجاجة مابتجمع فراخها .. وانت مارضيتش
خليتك تشوف منظر الطيور بتعتنى بولادها ازاى .. عشان تعرف انا بحبك اد ايه
وتعرف انك بمزاجك رفضت الحب والحنية دى
ولو شاكك فى كلامى .. هافكرك
انا ماخلقتكش .. غير لما خلقت كل صور الحب اللى ممكن تشوفها
عشان لما اجى اشبه حبى ليك .. تشوف وتفهم
بس اقولك على كلمة فى سرك
مش انت كل شوية تقول لى انك مش عايزنى
انا بقى لسة عايزك
مش انت رافض تيجى فى حضنى
انا بقى هافضل فاتح حضنى لحد اخر نفس ليك
مش انت سايبنى وطاير فى كل مكان ممكن يبعدك عنى
انا بقى مالئ كل مكان عشان خاطرك .. وعشان ماتغيبش عنى لحظة
افهم بقى ..
بحبك .. ومش هاسيبك غير لما اجيبك