منتدى الفرح المسيحى - إللى يصدق الوعد هيتحقق

https://upload.chjoy.com/uploads/1476281188321.jpg

ايه دا .. انت اتعورت وبتنزف
طب الزق بلاستر ..

ايه دا الدم وقف ..
ايه دا .. التعويرة راحت خالص

والدم اللى نزل .. جه مكانه دم ..
والجلد اللى اتقطع .. اتملى مكانه جلد

اصله .. اله تعويضات
يعود ويدّى جمال .. عوضاً عن الرماد

دا حتى الودان اللى اتقطعت .. اتلزقت مكانها ..

الضهر المحنى اتفرد
والايد اليابسة .. اتحركت

اللسان الاخرس .. نطق
والعينين المقفولة .. اتفتحت
دا حتى الرجلين المشلولة .. جريت

طب اقولك
الروح اللى فارقت .. رجعت ..
والقبر اللى اتقفل .. اتفتح ..
والكفن الملفوف .. اتفك ..

ولو اخد منك كل حاجة .. برضه هو عنده كتير عشان يعوضك

فهمت الرسالة ولا لأ
اللى خلقك .. عارف انت بتخسر ايه .. وصندوق تعويضاتك مليان ..

روح له .. وقول له .. مش انت بتدى جمال عوض عن الرماد
انا تعبت رماد .. وزهقت قبح

واستنى وراقب الجمال اللى هيغطى حياتك كلها
بس صدّق

لأن اللى يصدّق الوعد .. هيتحقّق