منتدى الفرح المسيحى - وحشني اكل امي.

(كلمه ممكن يقولها شباب كتير بعد مايحسوا ان كل يوم بياكلوا بره البيت..لو سألتهم ليه هايقلولك اصل اكل امي بمواعيد وعاوزانا ناكل مع بعض وانا اصلا مش بقعد في البيت علشان اكل في البيت بس بصراحه لقيت نفسي بصرف في الاكل الي بره كتير اوي ومش بشبع واوقات بتعب منه فعلشان كده وحشني اكل امي)..اقصد ايه من الكلام ده.انت مشكلتك مش في اكل امك انه وحش انت مشكلتك انك مش قاعد في بيت امك.وامك هنا هي الكنيسه سايبها وداير تلف علي محلات وجبات سريعه اه حلوه وطعمها حلو لكن مابتشبعش مابتدكش صحه..وللاسف ممكن تقول وانت في محل وجبات السريعه (ادي الاكل ولا بلاش مش اكل امي الماسخ اللي ملوش طعم) وتعيب في اكلها برغم انك مش مقدر عرقها وتعبها..واحنا كده مع الكنيسه نروح مكان تاني نفضل نعيب فيها ونقول ادي الكنائس ادي العظات ادي المهرجانات مش كنيستنا التعبانه...لكن اسال مجرب هاتيجي في يوم وتقول(وحشني اكل امي وحشتني كنيستي). وساعتها هاتلاقيها فاتحه حضنها ليك وتأكلك وتغذيك