منتدى الفرح المسيحى - لا تخف ... آمن فقط

فقال ‏لرئيس المجمع لا تخف آمن فقط
مر ٥:٣٦

http://www.zaidal.com/229/attachment...7&d=1343513929

بس كدة يارب ؟ هو ده المطلوب مني ؟
اني اؤمن فقط ؟ اني اصدقك ؟
كل اعمالك تحدثني عنك يارب...
أتون النار اللي اصبح ندي بارد ...
و جب الاسود اللي تحولوا لحملان وديعة مع دانيال و لكنهم بطشوا بحاسديه...
لعازر اللي قام من الموت و حكي عنك ...
الموج اللي شهد لك انك متسلط علي كبرياء البحر.
و انا يارب لسه برضه مش مصدق.
كان نفسي اقولك متأكد بس انا مش متاكد.
كان نفسي اقولك واثق فيك بس انا لسه مش واثق فيك.
عايز إيماني يبقي و لو حتي مقدار حبة خردل بس لسه مش محصلها.
عايز اتعلم أسلم لك حياتي عشان تحملني انا و همومي و ضعفاتي و أختبر فعلا معني "سلمنا فصرنا نٌحمل" لكن مش قادر.
لسه بحسبها و لسه بفكر و اشيل الهم.
انت يارب تعرف ضعفي و لكنك تعلم أيضا اني احبك...
يارب تقبل طلبتي لما اصرخ لك اؤمن يا سيد و لكن أعن عدم إيماني
ثبتني في اسمك فليس لى سواك يارب و يوم ما اسلم لك حياتي فعلا هو اليوم اللي ح اشوف فيه مجدك يارب

Maha Nabil