منتدى الفرح المسيحى - اقلب المنظر واستمتع بالحياة

https://upload.chjoy.com/uploads/1475936626981.jpg

مين فينا ماشفش لوحة كانفاه قبل كدة .. اعتقد اغلبنا شاف لوحة من الكانفاه سواء فى بيت العيلة او الجدة او الخالة او العمة
و اد ايه كان بيبهرنا وبنتعجب من تناسق الخيوط والالوان مع بعض اللى بتدينا منظر اللوحة الجميل ده!

بس ماحدش كان بيفكر يقلب اللوحة ويشوف ايه موجود ورا
كنت هتشوف منظر اقل فى الجمال عبارة عن شوية عقد من غيرها الخيوط الجميلة ماكنتش هتتثبت فى مكانها .. ولو خيط واحد اتفصل منظر اللوحة من قدام كله هيتشوه

تخيل بقى ان الحياة هى اللوحة الجميلة ديه
لازم شوية تجارب سلبية كدة (العقد) واللى انت بتفتكر انها مش ضرورية ليك مع انها هى السبب فى حصولك على المنظر الامامى الجميل المتكامل ..
وكل ما هتركز على رؤية العقد هتتحرم من رؤية المنظر الجميل الرائع
عشان كدة كل ما تلاقى نفسك مهتم بالتركيز على السلبيات فى حياتك اعرف وافتكر كويس انك بتبص من الناحية الغلط

اقلب المنظر من الناحية المقابلة واستمتع بنعمة الحياة ..