منتدى الفرح المسيحى - السلام إللى بيجى فى عز الوجع

https://upload.chjoy.com/uploads/1475532271931.jpg

بيحبك وجه عشان ينزع عنك وجعك عشان يشفيكي من كل جراحك المفتوحة .. جه علشان يحبك ويكذب فكرة رفضك .. جه عشان هو حاسس بيكي.
ربنا حضنه مفتوح لروحك المجروحة .. لما تحسي بأن الوجع جاب منتهاه جواكي وان كل الناس بتختفي من المشهد اتأكدي ساعتها انه هو واقف قريب جدا منك وفاتح حضنه ومستعد يشاركك الوجع والبكاء وكل المشاعر اللي محتاجة تخرجيها في الوقت ده.. هو بيسمع اناتك اللي بتخرج بصراخ واناتك اللي مكتومة جواكي ومش طالع لها صوت.
وانتي قاعدة في وسط الناس وكاتمة صوت وجعك وراسمه ضحكة مش من قلبك هو بيبقى جنبك وايده مبتسبش ايدك.
السلام اللي بيجي في عز الوجع هتاخديه بس لما تقوليله انا بجملتي بين ايديك.
متخافيش انتي مش لواحدك هو جنبك.
خدي خطوات شفائك معاه .. وسايل العالم مبتشفيش اوجاع دي بتدوس عليه.