منتدى الفرح المسيحى - السامري الصالح (جوزيف شرفن)

https://upload.chjoy.com/uploads/147542366481.jpg

الشابّ العريس "جوزيف شرفن" اتولد في "كونتي داون" بإيرلاندا سنة 1820م، كان واقف قدام باب الكنيسة، وكان الكل بيحتفل بعيد الميلاد المجيد وحواليه الزينة والأشجار الخاصة بالكريسماس، كان چوزيف مستني عروسته وهو فى قمة سعادته وبيفكر في الأحلام الوردية السعيدة اللي كان بيحلم بيها، وأخيراً جه الميعاد، فبعد دقايق قليلة هتقابله عروسته، حبيبته، اللي أحبها بصدق ومن كل قلبه..

ولما إتأخرت العروسة عن ميعادها ودي مش عادتها، وكان "جوزيف" في قمة الشوق والانتظار لحبيبته لكن جاله خبر صعب جداً كان صدمة لچوزيف ان عروسته " غرقت فى البحر " وبدّل ماكانت هاتتزف فى الكنيسة مع عريسها چوزيف اتزفت للسما فى نفس الكنيسة !!

كان من الطبيعي أن يغرق "شرفن" في الحزن الشديد، عشان كده قرر الهجرة إلى "كندا" واستقر في "بورت هوب" Port Hope في ولاية "أونتاريو" Ontario، وهناك ماكنش فيه الصديق اللى ممكن يحكى معاه عن احزانه والمه عشان كده اخد القرار الصح اللي مش ممكن يندم عليه ابداً التجأ "جوزيف شرفن" إلى صديقه السماوي الرب يسوع المسيح، الوحيد اللي يقدر يشاركه حزنه ويشعر به وكمان يعينه للخروج من الاكتئاب اللي كان دايماً غرقان فيه..

عرف "جوزيف شرفن" أن الصديق السماوي الرب يسوع، هو وحده اللي قهر الموت>>

وفي "بورت هوب" كرس "شرفن" حياته لخدمة المسيح والآخرين، واشتهر بالكرم والسخاء فكان بيضحى بكل ما يملك حتى بهدومه الخاصة للآخرين من غير أي مقابل وكان بيساعد اي محتاج من قبل مايطلب عشان كده أطلقوا عليه السامري الصالح "لبورت هوب"..