منتدى الفرح المسيحى - لما الكبير يتكلم ، الصغير يسكت..!!!

https://upload.chjoy.com/uploads/1475090556051.jpg

طبيعي جدا ، إن الكبير لما يتكلم الصغير يسكت..
وطبيعي جدا ، إن الكبير بيفهم أكتر وخبرته أكبر من الصغير..
ومن الطبيعي جدا برضه ، إن الكبير هو اللي بياخد القرارات مش الصغير..
ورغم كده ، نلاقي إن ربنا الكبير بيحترم قرار الصغير ،
والخالق بيحترم إرادة مخلوقه الصغير..!!

في الأربع شخصيات اللي وضعتهم لينا الكنيسة في الصوم الكبير ، نلاقي إن دي النقطة المشتركة في كل شخصية..
فالأب إنتظر إبنه الضال ، حتي رجع إلي نفسه وقال أقوم أرجع إلي أبي..!
والمسيح إنتظر السامرية ، حتي طلبت هي أن يعطيها من هذا الماء لكيلا تعطش..!
وإنتظر المفلوج ، حتي أجابه أولا علي سؤاله له ؛
أتريد أن تبرأ..؟
وإنتظر الأعمي حتي يذهب بإرادته ليغتسل في بركة سلوام،
وبحث عنه حينما طردوه من المجمع ،
لأنه أراد أن يعلم من هو يسوع ليؤمن به ..!

* صديقي..
إعرف إن الله عمره ماهيقولك "إسكت عشان أنا أتكلم " ،
لكنه هينتظرك لما إنت اللي تقوله "تكلم يارب فان عبدك سامع"..!
وإعرف كمان إنه مش هيقتحم حياتك علشان يخلصك..
لكنه هيظل واقفا علي الباب يقرع..!
وإعرف كمان قاعدة مهمة جدا ؛
إن الله الذي خلقك بدونك ..
لن يخلصك بدونك..!!
نعم..
أقدم لك ياسيدي مشورات حريتي..
لك حياتي يايسوع..!