منتدى الفرح المسيحى - سيرتك هاتعيش اكتر منك

https://upload.chjoy.com/uploads/147418823921.jpg

قصة إصرار ..
تيري فوكس هو قصة إصرار ماتعرفش اليأس،
هو شاب عمره ١٩ سنة تعب جداً
واكتشفوا انه عنده سرطان في رجله
والدكاتره قررت عمل عملية بتر لرجليه
وقالوا انهم محتاجين يعملوا ابحاث علشان يكتشفوا حل تاني غير البتر
وده هيحتاج تكاليف عالية حوالي 10 مليون دولار ..

اتعملت عملية البتر وبدأ يمشى برجل معدنية ومفقدش الأمل
لكن قرر انه مايستسلمش وبدأ يتدرب ويتمرن على رجله الشمال ١٤ شهر
من غير مايقول لحد ايه سبب التمرين دا..

وقال لمامته وباباه انه قرر يمشي من شرق كندا لغربها في حملة خيرية
عشان يجمّع ١٠ مليون دولار واطلق على حملته اسم "مارثون الأمل"،
كان كل يوم بيمشي ٢٦ كيلومتر وانتشر خبر الحملة فى كندا وكل العالم
وفعلاً ناس كتير اتبرعت للحملة دى وكانوا فخورين بمثابرة وشجاعة الشاب دا،
وقدر يجمع مبلغ كبير فى الحملة دي ..

لكن مات تيري قبل ما يكمل المسافة اللى كان مقرر انه يمشيها
لكن قبل مايموت ساب درس عظيم لكل العالم فى تقديم الخير للاخرين
وعدم فقدان الامل، وعشان كده اتعمل تمثال برونزي لتيري تخليداً لذكراه ..

"سيرتك هاتعيش اكتر منك واعمالك الحلوة هاتستمر حتى بعد ما تموت"