منتدى الفرح المسيحى

مش قادرة أتكلم عن الشهدا... علشان حياتى مش زى حياتهم... وﻻ ألمى زى آﻻمهم... وﻻ إيمانى زى إيمانهم... وﻻ حبى ليه زى حبهم...
ممكن أحتفل بيهم... وأكلم أوﻻدى وأصحابى عن البلح والجوافة... وأحفظهم اﻵية بالشاهد... ونصلى كام تمجيد ومديحة... لكن مش عارفة لو دعيت مثلهم للإستشهاد أو أجبرت على اﻹختيار هاختار إيه !!!
أصل الموضوع ده محتاج حياة عميقة مستقيمة دايماً طالعة لفوق...
أنا عايشة حياتى كلها فى جهاد عدم التعريج بين الفرقتين... والسقوط والقيام... والفتور الذى يتقيأه الرب من فمه... وال hold on والحزن والكآبة واﻹنشغال بالعالم...
شيل الهم وحسابات السنين والشغل والعيال واللبس واﻷكل والشرب...
هم كانوا بيوزعوا ده "مجاناً" ويدفعوا فلوس يسافروا بيها علشان يقدموا حياتهم...
امتى يارب القلب يستقيم... علشان لما ييجى وقت اﻹختيار يكون متاخد القرار ؟!!!
امتى يارب ؟!!!