منتدى الفرح المسيحى - زمن افتقادك جه

ان كنت مظلوم يا بختك هاتحكم على اللى ظلموك
وان كنت بتستغل يبقي هاتحصد ده افرح
وان ماكنتش فى حياتك اى مصارعه وحياتك هاديه ازعل على نفسك
يبقي مفيش حصاد ولا ثمار الفتره اللى جايه (روتين وملل يولد روتين وملل ))
يعقوب هرب بعصايه من اخوه عيسو وراح لـ خاله لابان وصارع هناك
وثبت واتقوى وطول انفاسه جدا
بعد ما كان هربان من اخوه عيسو بعصايه لا غير
خرج من عند خاله ..
ممتص قوته وماله وبناته وغنمه وخيره
قال كده بالحرف فى تكوين 32
((بعصايا عبرت الاردن والان صرت جيشين ))
خاله استغله وضحك عليه وجوزه بنته اللى مش بيحبها
لكن صبر وصمد وكمل واشتغل واتجوز حبيبته وكرمه ربنا بيوسف اهم رجل فى مصر وقتها .... ومش كده وبس كمان الرب عشانك هايقول للى انت خايف منه وقلقان منه
وعامله الف حساب . زى ماقال لعيسو
فى تكوين 31
((احترز من ان تكلم يعقوب بخير او بشر ))
يعنى من الاخر كده الرب هايقول للى قلقان منه
اوعى اياك انا بحذرك تكلم فلان ده تبعى يخصنى
فى حماااااااااااااااااايتى اياك تلمسه او تيجى ناحيته
اللى ظلمك لظلمه نهايه الهك قوى والخزى هايعطيه لاعدائك
زمن حصادك ابتدى دموعك المحفوظه فى زق امامك الرب نظر ليها وهايعطيك مكانها ضحكات وهايملا شفتيك هتاف
امين لكل نفس متألمه ومضغوطه ومظلومه ومكسوره
زمن افتقادك جه