منتدى الفرح المسيحى - كلميني يا رصاصه

كلمينــي يـارصاصه
كلميني وطمنيني !!؟؟
لما كنتى فى قلب إبنى ..
إتـوجع ؟!!
طب كان بيبكى !!؟
طب مات جدع ؟!!
طب حس بيكى او اتصرع !!

و انتى داخله بكل قسوه تقتليه !!؟
كنتي عارفه انك رايحه تحرميه !!؟
من حياته و من حياتى !!؟

هو كان اطيب ولادى !!؟
كان يوماتى يبوس إديا !!؟
و يقرا كل اللى فى عنيا اا؟
وكان بيقضي حاجاتي ليا !!؟
كنت لما يوماتي اصلي !!؟
ادعي ليه من كل قلبي !!؟

ارهابى خد عمره سرقه !!؟
وساب بموته في قلبي حرقه !!؟

يا رصاصه !!
هو انتي حالفه تختارى الشباب ؟!!
و بعد موتهم برضه حالفه تسكني !!
جوه قلب الامهات"!
كلمينى يا رصاصه !!!
كلميني يا رصاصه !!!
لما كنتي في قلب ابني
اتوجع ...
طب كان بيبكي ..
طب مات جدع

منقول