منتدى الفرح المسيحى - حاجات هتخليكي تكسبي قلب الراجل اللي بتحبيه :

حاجات هتخليكي تكسبي قلب الراجل اللي بتحبيه :
..
1 _ متخبيش عليه حاجه .. صارحيه بالحقيقه حتي لو كانت هتزعله .. مفيش راجل بيطمن ل واحده كدبت عليه

2 _ الراجل مبيعرفش يحكي .. مبيعرفش يقول اللي واجعه .. لما تحسي انه مهموم ومرهق متزنيش عليه علشان يحكيلك .. خليكي جنبه وبس

3 _ مش البنت بس اللي بتحب تسمع كلام حلو .. الكلمه الحلوه للراجل ممكن ترجعه طفل ف ثواني

4 _ ف عز تعبك حاولي تضحكي ف وشه .. بلاش تحسسيه دايما انك نكديه و بتشكي من طوب الارض ..
خليكي الحاجه الحلوه اللي ف حياته اللي بتنسيه اي تعب

5 _ اتعلمي تثقي ف نفسك طول الوقت .. مهما شاف ومهما قابل ..
خليكي عارفه ومتأكده انه بيحبك انتي

6 _ الراجل لو حبك هيحب روحك قبل ملامحك .. متهتميش ب شكلك علي حساب تصرفاتك ..
زي ما بتحاولي تلبسي اشيك واجمل لبس يليق عليكي علشان تعجبيه ..
حاولي برضه تعملي مواقف تعيش جواه .. وتثبتيله انك حلوه من جوه وبره

7 _ قربي من اهله .. واكسبي امه و اخواته ..
متحسسيش عيلته انك هتاخديه منهم .. بالعكس ..
حسسيهم انك بقيتي واحده منهم

8 _ اهتمي ب اهدافه واحلامه .. وساعديه يكبر اكتر ف شغله ..
شجعيه و قويه واسنديه .. كلمه منك هتفرق

9 _ اتعلمي تلعبي معاه بلاي ستيشن و طاوله .. اتفرجي معاه علي ماتش لو ينفع ..
اخرجي معاه ف المكان اللي بيحبه .. اتجنني علشان تكسبيه .. عوديه ميهربش منك ل صحابه ..
عوديه يهرب من كل الدنيا ليكي

10 _ كوني الحضن ف وقت الوجع والوحده .. كوني الاهل والصحاب ف الغربه ..
كوني الفرحه ف ليالي الحزن .. والضحكه ف سنين الألم ..
كوني الراحه والسند والأمل ..
كوني ام قبل ما تكوني حبيبه <3