منتدى الفرح المسيحى

تاليف / بيجول / تيمو

دايما فاكرك ياحبيبى *** لو نسيتك متنامش عينى
ده انت اللى محلى سنينى *** ومن كتر شوقى وحنينى
مقدرش على زعلك ثوانى *** بس حط نفسك مكانى
المشكله لا فيك ولا فيا *** بس الظروف هى القضيه
حلها سهل وفى ايديا *** ومش عايزك تبقى الضحيه
صدقنى انت جوه عينيا *** بس للاسف صعبان عليا
خايف عليك خوف شديد *** وكل شويه الخوف بيزيد
وكل يوم بقول وبعيد *** ياترى هتبقى فى يوم وحيد
ولا هتكون معايا سعيد *** لكن فراقك صعب اكيد
انا مش لاقى الحل *** ادوس على الجرح واعدى
بس الزمن اكيد هيمر *** وساعتها هعيش لوحدى
لكن يارب يعدى العمر *** ياحبيبى وتستحمل بعدى
محتار اقول بحبك يوم *** تبقى وقعت فى الهموم
وتفضل عايش معايا مظلوم *** تقول ياريتنى ما شوفتك يوم
لو خليت احساسى مكتوم *** يبقى البعد اكيد هيدوم
لكن انا ده طبع فيا *** انك تفضل غالى عليا
وافضل اشيلك جوه عينيا *** ومرضاش ليك بالاذيه
واحبك حب اخويه *** وياريت انا بس ابقى الضحيه
اتمنى ليكى التوفيق *** انك تحبى حب جديد
وتعيشى عمر سعيد *** هكون مبسوط ليكى اكيد
لو حصل لينا نصيب *** لو كنت انا الحبيب
هكتب شعر رومانسى جديد *** هكتبه عنك بالتحديد

مع تحياتى/ تيمو / بيجول