منتدى الفرح المسيحى

سارق القلوب

اي بني آدم علشان يعمل حاجه غلط لازم الأول يحايد ضميره ،

يعني حرامي العربيات مايقدرش يواجه نفسه بحقيقه انه حرامي ،
فبيبرر لنفسه ان صاحب العربيه حرامي اكبر منه ،
او وارث فلوسها ومش فارقه معاه وبالتالي فسرقتها استرداد لحقه الطبيعي ف الحياه ،

واللي بيلعب بقلب بنت او يسرق جسمها او شبابها ويرميها
لايمكن يقدر يواجه نفسه بحقيقه انه اقذر انواع الحراميه ،

فبيحايد ضميره تحت مبرر زي :

- اكيد هي بتصاحب كل يوم واحد .
- اكيد بعد لما اسيبها هاتنساني وتدخل علاقه جديده .
- طب ماهي كمان كانت مستمتعه بكل حاجه معايا ، يعني مش خسرانه حاجه .
- اكيد هي تستاهل احسن مني .

الكلام ده بيضحك بيه علي ضميره علشان يقدر يواصل حياته بأريحيه وسعاده ،
بس هو في قراره نفسه عارف انها مبررات مش حقيقيه وتناسب شخصيته هو اكتر ،
لأن اللي بيحكمه هو منطق المتعه المؤقته وفلسفه المكاسب والخساير واختيار الافضل ،

لكن معظم البنات :

- لما بتحب بتدخل التجربه بكل كيانها .
- لما حبيبها بيخلف وعده ويهرب بينكسر قلبها لفتره طويله .
- لما بتحب بتضحي وتقبل الراجل بكل عيوبه وصعب تفكر في احسن منه .
- لما بتدي للراجل ومايقدرهاش اللي خده بتعيش متعقده من فكره العطاء عموما .

لو اي حرامي قلوب واجه نفسه بالحقيقه دي مش هايقدر ينام عمره ،
وخصوصا لو عرف ان البنت اللي اتكسرت ومافيش في ايديها حاجه بتمشي
ولسانها بيرد( حسبي الله ونعم الوكيل )
يعني بتفوض العادل المنتقم يردلها حقها ، يعني حقها راجع راجع .

cpd