منتدى الفرح المسيحى - ممكن يكون صعب ان توصلي

ممكن يكون صعب ان توصلي لمنابع السعادة جواكي ولكن المستحيل بجد ان أي حد او شئ تاني يكون هو منبع السعادة ليكي.. السعادة مش حاجة بتحصل بلحظة ولكن السعادة تحتاج للبحث عنها وبنفس الوقت نعرف ازاي نتمتع باللي نملكه مهما كان قليل. السعادة الحقيقية لا تأتي من الثروة أو الجمال أو الزواج او الحب او الرجل و أي شيء خارجي لأنها من الداخل.. من جواكي.. وحتى الحب لن يمنحك اللي تتمنيه من سعادة الا بعد ما تحبي نفسك الاول.. انك تبحثي عن الحب خارج نفسك عشان تحسي بالرضا و محبوبة و مرغوبة.. او للشعور بالثقة بالنفس هو فهم غلط للحب و لمعني وجود الرجل بحياتك .. وحتي اللي اتعلمتيه عن طريقة التعامل مع خطيبك او جوزك فيها كتير اخطاء ساعات بتكون سبب انها تخنق الحب بينكم وتضيعك.. وتخلق جواكي ضعف يخليكي خنقة وحمل عليه..
فهمنا لترتيب المشاعر مغلوط وحتي عبارة "حبي نفسك" ببساطة تلاقي حد يقولك لكن "الانانية" غلط رغم ان الفرق كبير بين الاتنين.. انك تحبي نفسك يعني تحبي الروح والعقل جواكي.. تحبي طبيعتك وصفاتك الخاصة بيكي.. تحبي كل شئ فيكي وترضي بيه وبنفس الوقت تحاولي يكون افضل.. تحبي وقتك ولحظاتك وتلونيها انتي زي ما تحبي وتفرحي بيها طلما بحدود الشرع والدين.. الشرع والدين ومش حدود عادات او تقاليد او عيب عشان كلام الناس.. تؤمني بنفسك وقدراتك وتعرفي ان كل انسان خلقه ربنا متميز بصورة مختلفة عن اي انسان تاني.. تملكي القدر الكافي من الثقة بالنفس بحيث محدش يقدر يهز ثقتك دي او ينال من كرامتك وكبريائك.. 👑