|
ضاعت المعاني
ضاعت المعاني ليه لما نقول ”حب“ ... كلمة ”شهو“ة تيجي وراها وكل مشاعر في القلب ... بقسوة فينا موِّتناها الله حب، وحبِّنا كلنا ... وزرع الحب في قلبنا يا ريت نحب بعضنا ... وقلوبنا بيسوع نملاها ليه القوي هو الغالب ... والضعيف هو المغلوب؟ والعدل اتغيَّر معناه ... ماشي دلوقتي بالمقلوب؟ الله رحيم رؤوف وعادل ... بالظلم عمره ما كان قابل بيرحمنا بدون مقابل ... كفاية ظلم يا ناس وحروب والصحاب دلوقتي راحوا ... صعب تلاقي حَدّ أمين بيتفرقوا ولا يرجعوا ... في عِزّ الآه والأنين بنعرف بعض لمصالحنا ... وننسي بعض في جراحنا والصحاب اللي بتريحنا ... دلوقتي يتعَدّوا على الإيدين حتى الايمان اتغيَّر ... وبيتدارى في التديّن واللي عامل حَمَل صغير ... جواه ديابة ومش مبيِّن بنضحك على نفسنا ... مش بنضحك على ربنا بكرة هيبان وشنا ... ينفتح القبر المتزيّن يا ترى المعاني هترجع ... وتنور عتمة دنيتنا؟ ونرجع نسأل على بعضنا ... تبان في الضيقة محبتنا. نفسي العدل والحب يسود ... والظلم ميبقاش موجود وزمن العشرة تاني يعود ... تدوب في قلوبنا قسوتنا نفسي ابطل اقول تاني .... ”ضاااعت المعاني“ |
رد: ضاعت المعاني
ميرسي على مشاركتك الجميلة مارى
|
رد: ضاعت المعاني
ميرسى ربنا يفرح قلبك
|
رد: ضاعت المعاني
ربنا يبارك خدمتك
|
رد: ضاعت المعاني
شكرا على المرور |
| الساعة الآن 05:27 AM |
Powered by vBulletin® Copyright ©2000 - 2025