منتدى الفرح المسيحى - مين مخنوق ؟؟؟!!!!!!!!!!!!!

الفرق بين مخنوق ومخنوقه:

https://upload.chjoy.com/uploads/1472414460561.jpg

مخنوق بصوت رجالي
( ممكن يقولها بالتصرفات او الصمت او تعبيرات وشه )

معناها عايز اقعد لواحدي ، ارجوكي سيبيني لحد ما اهدأ وهاتلاقيني رجعت احسن من الاول ،

بلاش تلحي في السؤال -مالك ؟
- مش هاجاوب ومش هاحكي لانها مش طبيعتي ، وبلاش تفتكري اني قرفان منك او بفكر في غيرك ،

وارد جدا تكون كل مشكلتي ان الاهلي اتعادل مع غزل المحله .،
ولو عنده مشكله وفكر يلجأ ، مش هيلجأ ليكي ،
لسببين ،
اولهم ايمانه بعدم قدرتك علي الحل ،
تانيهم مش عايزك تشوفيه ضعيف ،

علشان كده هايلجأ لراجل زيه ومش شرط صديقه الانتيم،
لكن هيلجأ للراجل اللي بيفهم في النوع ده من المشاكل ،

اما مخنوقه بصوت حريمي فهي العكس تماما
( ممكن تعبر عنها بتكسير الاطباق ، بضرب العيال ، بأكل المخده )

او تلاقيها دخلت كل المواضيع والازمنه في بعضها
( فاكر لما نسيت تفتحلي باب العربيه واحنا مخطوبين ، من ساعتها وداني بتتعب كل ما اشوف توكتوك معدي )

مخنوقه يعني محتاجه اتكلم معاك ، محتاجه تسألني مالك وتتحايل عليا علشان اقول مالي ،
مخنوقه يعني عايزه تفريغ عايزه تعاطفك واهتمامك ومش عايزه تقدملي الحل زي مابتعمل كل مره

( قولها ولايهمك فداكي حاسس بيكي ، مخنوقه يعني غالبا مخنوقه منك ،
او مخنوقه من سوزي اللي ماعملتيش لايك لما نزلت صورتي ع الفايسبوك
مع اني دايما بعملها لايك علي اي سيلفي عبيط تنزله .،

علشان كده لو وقعت في مشكله هتلجأ اولا ليك حتي لو واثقه انك مش هاتقدر تساعدها
بس كفايه تعاطفك ومشاركتك واهتمامك ،

ولو مارضتش تسمعها هاتلجبأ لاقرب الناس لقلبها -امها اختها انتيمتها لأن الستات بتعرف تطبط علي بعض

المصيبه بقي ان كل واحد فينا بيتوقع من التاني اللي هو محتاجه ، بس التاني غبي وبيعامله زي ما هو محتاج !!
حد فهم حاجه ؟!!

cpd