منتدى الفرح المسيحى - دماغك ودماغه ......

دماغ الباشا :

لو فكرتي تكلميه وهو مندمج في اي حاجه
- بيتفرج ع الماتش ، بيشيت مع صاحبته ، بيشيش مع صاحبه ، بيقرأ الجرنال -
هاتلاقيه اتعصب جدا !!

طبعا هاتتغاظي ودمك هايتحرق ،
بس الحقيقه انه مظلوم لأن دماغه عباره عن صندوق كبير اسمه صندوق تحقيق الاهداف ،
جواه مجموعه صناديق غير متلامسه لكن متوصله بالصندوق الكبير علشان يوصلوه لنفس الهدف،
يعني لو بيتفرج علي الماتش مثلا يبقي دلوقتي جوا صندوق الماتش ،
وحضرتك لما بتحاولي- برخامه -تحكيله عن سها صاحبتك اللي ولعت في جوزها علشان مش بيركز معاها ،
يبقي بتحاولي تخرجيه فجأه من صندوق لصندوق ،
فطبيعي يتعصب وياخد وقت علشان يكتشف وجودك في الاوضه اصلا ،
والبطئ هنا لأنه بيفكر بفص مخه الشمال ( ماتفهمنيش غلط ) .

اعجب صندوق في دماغ الراجل هو صندوق ( اللا شئ)
يعني لما تلاقيه فاتح بوقه ومتنح اودام التليفزيون - مع انه مطفي مثلا -
او بيصطاد سمك في حمام السباحه او قاعد ع البلاج وسرحان في الملكوت ،
يبقي هو دلوقتي جوا صندوق اللا شئ اللي بيدخله علشان يهرب من الضغوط والمسئوليات
( بيدخله اكتر لو وقع في مشكله فينعزل او ينام) ،
مجرد محاولتك اقتحام الصندوق ده بيدمره نفسيا لأن دخولك خلا الصندوق مليان ( بالذات لو تخينه ) ،

اما مخ حضرتك فهو عباره عن حزمه اسلاك متوصله ببعضها عن طريق كابل كبير اسمه العاطفه ،
علشان كده سهل تعملي مليون حاجه في وقت واحد ،
يعني تقفي تطبخي وانتي علي الفايسبوك مع مني وعالموبايل مع ماما
ومركزه مع المسلسل وفي نفس الوقت بترضعي البيبي ( جباروت ) ،

وسهل تخرجي من موضوع لموضوع بمنتهي البساطه
لانك بتفكري بفصين مخك اليمين والشمال
(شوفت يابيي نيفين صاحبتي غيرت لون شقتها ولون شعرها ولون بشرتها ولون عنيها،
لدرجه ان البواب اللي عندهم طلع حرامي راحت ماما حلفت عليا لازم نتعشي عندها يوم الجمعه ،
قولي بقي مش هاتجيبلي الاسوره اللي وعدتني بيها ؟)

بالذمه مش حرااااااااااااااااام عليكم كده !!!!!!!!

cpd