|
وايه ذنبى انى بنت عشان يجرالى كدا ... ؟
مساء الخير ..حصل معايا موقف النهاردة هيفضل معلم معايا طول حياتى كل اللى نفسى اعرفه هل ممكن اعرف امشى فى الشارع تانى ؟وايه ذنبى انى بنت عشان يجرالى كدا ... ؟ خدمة اكثر البوستات انتشارا على مواقع التواصل الاجتماعى مساء الخير ..حصل معايا موقف النهاردة هيفضل معلم معايا طول حياتى قررت انزل اجرى الصبح بدرى مكانتش اول مرة انزل اجرى لوحدى بما انى ساكنه فمنطقه راقيه دا عادى.. انا بنت لبسى واسع وحجابى ملتزمه بيه حاطه الهاند فرى ومعليه اوى وبجرى فحالى لقيت عربيه سزوكى وفيها شاب راكن على جمب شايفنى من بعيد وانا طبعا مش مركزة معاه الشارع فاضى ومش سامعه صوت العربيات بسبب الهاند فرى.. ومرة واحدة لقيت ايد بتتمد على جسمى من ضهرى وطبعا الكل فاهم ازاى 😐 بكل قوة وجراة وبجاحه وانا من كتر مامش قادرة استوعب الموقف وقفت وببص عليه لقيته بيبصلى فعينى بكل بجاحه وجبروت ونظرت انتصار محستش باى حاجه وقتها لقيت نفسى بقله انت قليل الادب! وبس😳وهو سايق بكل هدوء.فضلت ماشيه على جمب الطريق اوى وعلى م استوعبت انهارت من العياط والقهرة مش قادرة استوعب ان حد اعتدى على حرمه جسمى ومتعاقبش 😔ومقدرتش اعمل اى حاجه غير انى ادعى عليه كان فاضل كيلو على بيتى شيلت حجر كبير من الارض طول الطريق وبدعى ربنا انه يعدى ولو من بعيد عشان اخد حقى ولو كان وقتها اى واحد بصلى كنت هقتله بكل ماتعنيه الكلمه .. ربنا يقهرة ويحرقه ويكسره زى ماعمل فيا..الخلاصه خلى بالك وانت فى الشارع مش بس من العربيات دا من كل اللى ماشى حواليكى..متعليش صوت الموبايل فى الشارع.. خلى بالك من لبسك وحافظى على جسمك..مش بس البنت اللى ممكن تتاذى..متنسيش انك فمصر. #الله خير حافظ #حسبى الله ونعم الوكيل #الاعتداء ظلمات #اللهم اخرجنا من القريه الظالم اهلهاكل اللى نفسى اعرفه هل ممكن اعرف امشى فى الشارع تانى ؟وايه ذنبى انى بنت عشان يجرالى كدا ... ؟ |
رد: وايه ذنبى انى بنت عشان يجرالى كدا ... ؟
صدقينى الموضوع مش باللبس خالص المشكله فى عقول الناس
(ولو انى مستكتره اقول على اللى بيعمل كده انه انسان دول سورى فى اللفظ حيوانات) اللى احنا عايشين واسطيهم شايفين انى البنت مدام خرجت من بيتها يبقى تستاهل كل حاجه وانها فريسه سهله لأى حد صدقينى انا سمعت الكلام ده بودانى ومن ناس متعلمه تعليم عالى كمان ده اكيد مش ذنبها وانا رأيى الشخصى ان البنت المفروض تدافع عن نفسها بكل اللى تقدر عليه |
رد: وايه ذنبى انى بنت عشان يجرالى كدا ... ؟
لا اكيد ده مش ذنبك ده ذنب شعب متخلف بينظر للمراة على أنها جسم وبس شهوة وبس نزوة وبس أمشى تانى فى الشارع ومتسكتيش على حقك الحكاية ما بقتش باللبس بقت بلطجة وخلاص |
رد: وايه ذنبى انى بنت عشان يجرالى كدا ... ؟
شكرا على المرور
|
| الساعة الآن 06:02 PM |
Powered by vBulletin® Copyright ©2000 - 2025