منتدى الفرح المسيحى

منتدى الفرح المسيحى (https://www.chjoy.com/vb/index.php)
-   فضفضة شبابية بلا حدود (https://www.chjoy.com/vb/forumdisplay.php?f=92)
-   -   جواز الصالونات (https://www.chjoy.com/vb/showthread.php?t=442218)

Rena Jesus 25 - 08 - 2016 09:19 AM

جواز الصالونات
 
جواز الصالونات تاني وتااااالت :

لما بيتقدملي حد باقعد زي الكوبه ومبنطقش ولا كلمه لحد ما العريس يطفش وميجيش تاني ،
مع اني اموره وكلبوظه ودمي سكر ، بس معرفش ليه باتخرس واتنح لما اشوف العاهات اللي بتجيلي ،
طب منا لو اعرف المفروض اقول ايه هاقول علطول ؟ طب ممكن تغششني ؟


الرد :
اغششك !!! إنتي لسه متقمصه !! ياانسه الامتحانات خلصت واللي ذاكر ذاكر واللي نجح نجح .

طيب :

- اولا لازم تتوفر المعلومات الأساسيه عن العريس قبل ما يدخل البيت
( سنه - حالته الاجتماعيه - دراسته - مستواه الاجتماعي )
ووارد نرفضه قبل ما يجي لو مش مناسب .

- ثانيا لازم هو كمان يعرف المعلومات الاساسه العامه مش الخاصه عنك علشان نتجنب الحرج ،
مش عاجبه ميجيش ف داهيه .

لما يجي البيت بقى :

- مش مهم تتكلمي ، المهم تبقي مبتسمه علطول ( فاتحه بوقك زي الهبله )
كل الرجاله بتموت ف البنت المبتسمه المقبله ع الحياه وتكرهه الكئيبة .

- بلاش مكياج تقيل ، بلاش ندهن الشقه قبل ما يجي ،
يعني لاتدهني وشك ولا تدهني الشقه خليكو ع المحاره ( آلِ يعني مش فارق معاكو )،
بس ممكن تستحمي علشان الريحه .

- ابتدي انتي بالأسئلة علشان يفهم انه ف مجال تقييم مش العكس ويقعد ف ركن الاعتراف ويحاول يقنعك بنفسه .

- أوعي تخدي انطباع مسبق عن شكله او مظهره او طريقه كلامه وبالتالي تتعاملي معاه بطريقه التطفيش ،
صدقيني وارد جدا يكون محترم وطيب بس مبيعرفش يلبس او خام او مكافح فتنبهري بيه بعد دقايق ،
وخدي بالك الشاب الصايع المحترف ممكن يخطفك بمظهره وأسلوبه بس صدقيني بيخطب بس ومبيتجوزش.

- اهم الاسئله اسألي عن طموحه واحلامه ، ليه عايز يتجوز ، ليه اختارك بالذات ، علاقاته بأهله ،،

اوعي تسألي ف حاجات ماديه خاالص ،
اعملي نفسك رومانسيه وخلي ابوكي يقوم بالواجب ويبلغك بالواتساب من تحت لتحت .

- مهما كان عريس لقطه اوعي تبينيله ده ، ومهما أبدي من ترحاب بيكي اوعي تقدميله شربات ،،،
اوعي اوعي تقولوا موافقين ، لازم دايما نقول هانسأل عليك والبنت هاتفكر ،
ويمشي مع السلامه ونستني رأيه مره تانيه ونتأكد من حماسه ،
ساعتها نقول اتفضل مع اهلك نتعرف عليهم ( بشرط نكون سألنا عليه ويعرف اننا سألنا بالفعل ) .

- المقابله الأولي مش مقياس لتقييم اي طرف ، لازم مقابله تانيه بكل الاحوال
( الا اذا كان لايصلح خاالص او حسينا بنفور واضح من اي طرف )
مهم بس نستريحله ويكون شاري ،

- ف المقابله التانيه نقيس ترمومتر الاقتناع والراحه النفسيه ،
لو طلع يبقي نكمل ، لو نزل يبقي نخلع ونشوف غيره

ولا انتوا ايه رأيكم؟؟؟؟؟؟؟؟؟؟؟

walaa farouk 25 - 08 - 2016 11:08 AM

رد: جواز الصالونات
 
ههههههههههه راينا من رأيك طبعا يا قمر
ميرسي على مشاركتك الجميلة

dodo dodo 25 - 08 - 2016 11:55 AM

رد: جواز الصالونات
 
ههههههههه
عندك حق
بصراحه انا استفدت

MenA M.G 25 - 08 - 2016 12:02 PM

رد: جواز الصالونات
 
جواز الصالونات دة .. فكرة غلط تماماً
ميرسي على مشاركتك الجميلة

Mary Naeem 25 - 08 - 2016 12:14 PM

رد: جواز الصالونات
 
صح عندك حق يا رورو
ربنا يباركك يا قمر

Rena Jesus 25 - 08 - 2016 03:15 PM

رد: جواز الصالونات
 
ميرسى لمروركم الغالى
:):):)


الساعة الآن 11:30 AM

Powered by vBulletin® Copyright ©2000 - 2025