منتدى الفرح المسيحى - 5 صفات لو موجوده ف عريس الغفله اتجوزيه وعلي ضمانتي

صفات المز :
5 صفات لو موجوده ف عريس الغفله اتجوزيه وعلي ضمانتي

1- الدين :

مهم جدا دينه ....ودين اهله.. ، لأنه لو عنده دين هيراعي ربنا فيكي ،
لو حبك هايكرمك ولو كرهك مش هايظلمكً، كمان هايساعدك تعملوا بيت يرضي ربنا وتوصلوا بيه للملكوت .

2- الاخلاق :

صدقيني لو عنده سمه الدين بدون اخلاق يبقي اسوأ من اللي ماعندوش دين وهايبهدل اهلك معاه ،
لأن الدين لو فشل في تقويم اخلاقه مافيش حد هايصلحه ،
لأن عيوبه منبعها خلل في الضمير ، ساعتها اخلعي منه .

3- الطموح ومقومات النجاح :

الراجل الطموح اللي عنده مقومات النجاح واللي بيجتهد ويشقي اضمن من الراجل اللي هاتقابليه ناجح اصلا ( مش دايما طبعا ) ،
لأن الناجح ده وارد يكون نجح باجتهاده ووارد يكون بالصدفه او بالوراثه او بالتحايل ،
لكن الطموح اللي عنده دين واخلاق ومقومات نجاح لازم في يوم ها ينجح وتبقو ابتديتوا مع بعض ودوقتوا طعم النجاح مع بعض

4- التكافؤ:

مهم يكون فيه تكافؤ اجتماعي وانسجام اسري ، مهم تكافؤ فكري وعلمي ،
مش مهم التكافؤ المادي او العمري ، بس يفضل يكون الراجل اعلي ف كل حاجه ، او عنده حاجه تعوض التانيه .

5- القبول :

لو اتوجدت الصفات الاربعه ولسه مش طايقاه يبقي فيه احتمالين :

- الاحتمال الاولاني فيه في حياتك واحد تاني موجود وبتحبيه بس معندوش المقومات دي وانتي متردده ،
او واحد حبيتيه وخلع ومش قادره تنسيه !
وفي الحاله دي لازم تفهمي ان ده هو الحائل بينك وبين قبول الشخص الجديد،
وساعتها انصحك تقبلي الجديد لأنه صفاته هاتنسيكي غيره وتخليكي تحبيه مع الوقت .

-الاحتمال التاني ان مافيش في حياتك حد اصلا بس مش قادره تتقبلي ده بعد ما حاولتي مع نفسك وقعدتي معاه اكتر من 3 مرات كلام وحوار وتقييم ،
اتتي كده فعلا مش متقبلاه اصلا وماعندكيش اي بذره مشاعر له ، وساعتها هانصح و للاسف لازم ترفضيه ،

اخر نصيحه مافيش انسان كامل ، حتي انتي ، ولازم تقبلي فيه ولو عيب واحد ، بشرط قدرتك علي التعايش مع العيب ده ، او وجود مميزات كتيير تعوضك و تنسيكي العيب ده ،

سيبك من الامور المحترف اللي يعرف ياكلك وياكل غيرك ، ده مش هايبقي عريس ابدا غير لواحده شبهه
( لو انتي شبهه اتنيلي اتجوزيه ) ،
ولو بقي جوزك عمره ماهايسعدك ولا هايتغير ، فكك منه لأنك محترمه وتستاهلي راجل بجد وملو هدومه

cpd